Mouloûya

Uadi de Marrocos (480 km de lonxitude) que nace no Atlas Medio, desde onde toma dirección NL, atravesa Marrocos oriental e desemboca no Mediterráneo. Posúe depósitos de chumbo e de manganeso. En 1291 Xaime II de Aragón e Sancho IV de Castela empregárono como límite das súas respectivas zonas de influencia. Xaime II reservou os territorios situados ao L do mesmo, Alxeria e Tunisia, entre outros, e o rei castelán a zona de Marrocos.