murénido -da

Relativo ou pertencente aos murénidos.

Peixe da familia dos murénidos.

Familia de peixes actinopterixios, da orde dos angüiliformes, que poden chegar a medir 3 m de lonxitude. Teñen a cabeza pequena, o fociño cónico, os dentes fortes, a boca ampla, os orificios nasais tubulares e a fenda branquial moi pequena. A pel é graxenta e resistente, sen escamas e con abundantes glándulas mucosas. Son carnívoros moi voraces e ocasionalmente agresivos, e habitan as costas rochosas dos mares temperados e tropicais. A esta familia pertencen as moreas.