Namur

Provincia de Bélxica, situada en Valonia, entre Francia, ao S, e as provincias de Brabante, ao N, Liexa, ao NL, Luxemburgo, ao L, e Hainaut, ao O (3.666 km2; 443.903 h [estim 2000]). A capital é Namur. Atravésana os ríos Mosa, Sambre e Lesse. O suco do Sambre e o Mosa comprende unha rexión industrial, con siderurxia, metalurxia, industria química e do vidro. Os principais núcleos urbanos son Namur, Dinant e Ciney.