Néo-Destour

Partido fundado por Habib ibn Alí Bourguiba en 1934 froito da división e reorganización do Destour. Encabezou a loita contra os franceses. Recibiu a axuda dos grupos de esquerda franceses e entrou en contacto cos nacionalistas de Marrocos e Arxelia. Foi ilegalizado en 1938 e, tras a proclamación da independencia (1956), loitou en favor da república. En 1964 transformouse no Parti Socialiste Destourien (PSD), único partido legal ata 1981.