Northampton

Capital de Northamptonshire, Inglaterra, Reino Unido (192.382 h [1996]). Está situada á beira do río Nene, ao NO de Londres e ao O de Cambridge. É un núcleo importante de industrias do calzado e de peles curtidas desde o s XVII, ademais dun núcleo de industria diversificada. Do seu patrimonio cultural destacan as igrexas de Saint Peter e Saint Sepulchre, ambas as dúas do s XII.