Nós

Serie de folletos semanais de breve extensión publicados na Coruña a partir do 24 de setembro de 1918. Subtituláronse “Páxinas gallegas do Diario da Cruña El Noroeste”, e neles incluíronse textos poéticos e prosísticos dos máis destacados intelectuais galegos da época, como Rosalía de Castro, E. Pondal, R. Cabanillas, Francisco Mª de la Iglesia, V. Lamas Carvajal, Heraclio Pérez Placer, Eladio Rodríguez González, Aureliano X. Pereira, M. Lugrís Freire, M. Leiras Pulpeiro e A. Noriega Varela.