Nostre-Dame, Michel de

Médico e astrólogo. Coñecido como Nostradamus, realizou importantes prognósticos astrolóxicos e exerceu a medicina no tempo dos últimos Valois. Publicou unhas profecías (Centúries, 1557) froito da súa dedicación á matemática e á astroloxía. A medida que algúns dos seus presaxios se cumprían, a súa fama medrou e chegou a converterse nun mito popular. O seu irmán Jean de Nostre-Dame (Saint-Rémy-de-Provence 1507?-Aix-en-Provence 1577), foi procurador ante o Parlamento de Lyon. Creou unhas Vies des plus célèbres et anciens poètes provençaux (1575), cheas de falsidades. O seu sobriño, fillo de Michel, Cesar de Nostre-Dame (Salon-de-Provence 1555-Saint-Rémy-de-Provence 1629) publicou Histoire et chronique de Provence (1614), de espírito realista.

Cronología