obxección

Aquilo que se opón a unha afirmación para combatela ou rebatela.

Actitude de quen se nega a obedecer unha orde ou unha lei por considerala inxusta ou inaceptable, facendo prevalecer a decisión da propia conciencia sobre a lei positiva. A obxección de conciencia máis coñecida é a que fai referencia ao servizo militar. As motivacións que levan a esta actitude son de orde moral, relixiosa, política, humanitaria ou filosófica. Na maior parte dos países occidentais, os obxectores quedan exentos do servizo militar e teñen que realizar en cambio unha prestación social substitutiva.