ogham

Sistema de escritura alfabético en que o sentido da escritura é de abaixo cara a arriba ou de esquerda a dereita. Usouse, dos ss III ao VI, en Irlanda e tamén en Escocia, Gales e Inglaterra. Encontráronse inscricións en Irlanda e Gales. Constaba de 20 letras, representadas por trazos rectos ou diagonais en número variable dun a cinco, debuxados ou gravados enriba, debaixo ou transversais nunha liña horizontal ou vertical ou ao longo dos bordos do obxecto en que as letras están incisas.