orangután

Mamífero da orde dos primates, o menos antropomórfico de todos os pónxidos, que pode alcanzar os 2 m de altura, cos membros anteriores desproporcionadamente longos, os pés articulados oblicuamente coa tibia e case todo o corpo cuberto de pelo longo e avermellado. Os machos presentan na gorxa, nos lados da cara e nas axilas, unhas protuberancias adiposas en forma de saco. É un animal pacífico e solitario, que pasa a maior parte do tempo nas árbores e só baixa en casos de extrema necesidade. Ten unha dieta vexetariana, e habita nas selvas densas e húmidas de Borneo e Sumatra.