ortiga

estruga.

Denominación común que reciben dúas especies de invertebrados cnidarios, pertencentes á clase antozoos, Actinia equina e Anemonia sulcata, que se caracterizan por presentarse como pólipos illados e fortemente adheridos ás rochas do litoral. Aliméntanse capturando pequenos animais nadadores grazas aos numerosos tentáculos urticantes, nos que quedan pegados e paralizados antes de ser dirixidos á única abertura superior. Están presentes en todo tipo de superficies, desde a zona mesolitoral superior ata a sublitoral.