O’Sullivan, Timothy Henry

Fotógrafo estadounidense. En 1860 comezou a traballar con Alexander Gadner, de quen se independizou para abrir o seu propio estudo en Washington (1862). Xunto con Gadner empregou o colodión para retratar os desastres da Guerra Civil (1861-1865), sobre todo as batallas de Bull Run (1862), Gettysburg (1863) e Appomatox (1865), que apareceron na obra de Gadner Photographic Skechbook of War. A partir de 1867 participou en sucesivas expedicións por Nevada, Denver, Panamá e Novo México, nas que combinou as imaxes de uso científico con outras que pretendían dar a coñecer o oeste de EE UU, os pobos indios ou os interiores das minas, fotografados por vez primeira grazas aos flashes de magnesio.

Cronología