Panjón

Publicación editada na parroquia de Panxón, en Nigrán, a partir de 1955. Subtitulouse “Revista del apostolado del mar”. Incluíu, desde unha perspectiva católica, unha análise do problema do mundo do mar e da mariña mercante, así como novidades sobre o funcionamento da propia asociación relixiosa. A partir do mes de xaneiro de 1959 cambiou a súa cabeceira pola de Stella Maris.