¹ pano

1. s m pano de pureza [ARTE/RELIX]

   Tecido de la, liño, seda ou algodón.

2. 1. s m

      Anaco de calquera tea, xeralmente de forma rectangular ou cadrada.

      Ex: Limpou a mesa cun pano. Tapou a torta cun pano de cadros.

   2. s m

      Anaco de tea que, con diversas formas, se usa para abrigarse ou como adorno na indumentaria. OBS: Pode aparecer cun complemento especificador (pano da cabeza, pano do pescozo, etc).

      Ex: Traía un pano de flores atado ao pescozo.

   3. pano da cabeza

      Anaco de tea que se leva na cabeza, cortado ou dobrado diagonalmente, de xeito que teña forma triangular.

   4. pano da man/dos mocos/da faldriqueira

      Pano que se emprega para limpar o nariz ou a suor.

   5. pano de mesa

      Peza de tea ou doutros materiais que se emprega na mesa para limpar as mans ou a boca.

   6. pano do pescozo

      Pano de oito puntas que se puña polo lombo e despois de cruzalo polo peito se ataba pola cintura.

3. [ESPEC]
   1. s m

      Tea grande, da largura do escenario, que se pode facer baixar e subir e que serve para tapar o escenario ou para formar parte dunha decoración.

   2. pano curto

      Pano que se coloca inmediatamente detrás da boca do escenario e permite a representación diante súa dunha breve escena durante o cambio xeral das decoracións.

4. s m

   Tapiz, lenzo ou calquera outra tea traballada que se colga na parede como elemento decorativo.

5. s m

   Cada un dos anacos de tea cunha anchura determinada que configuran unha peza de roupa.

   Ex: O abrigo estaba feito de tres panos.

6. s m

   Parte dunha parede que está colocada entre elementos separadores.

7. s m

   elame que se desprega dunha embarcación.

8. s m

   Mancha escura na pel, sobre todo a que sae na cara da muller embarazada.

9. s m [PAT]

   Forma de queratite superficial que se caracteriza pola neoformación dun tecido conxuntivo cicatricial moi vascularizado, entre o epitelio e a membrana de Bowman da córnea, que a cobre como un veo totalmente ou só pola metade superior.

10. s m [PAT]

    Tecido de granulación formado a partir da membrana sinovial que en casos de poliartrite recobre a superficie articular.

11. 1. s m pl [ARTE]

       Representación dunha vestidura ou roupa que forma amplas pregaduras.

12. pano de aceiro [POLÍT]

    Expresión que indica as fronteiras que existían entre a URSS e os outros países comunistas de Europa Oriental, dunha banda, e o bloque occidental, doutra, ata o afundimento destes réximes comunistas. Foi popularizada por Winston L. S. Churchill (iron curtain) a partir de 1946.

Frases feitas

• En panos menores. En roupa interior.

• Haber/Quedar moito pano para mangas. Levar moito tempo ou traballo un asunto.

• Panos quentes. Remedios ineficaces.

Refráns

• Cando o pelo do pano pela, pouco ao pano de vida lle queda.