pantómetro

Instrumento que se utiliza en topografía para medir ángulos horizontais. Está formado por un cilindro vertical dividido en dúas partes, segundo un plano horizontal, que poden xirar unha respecto da outra, con cadansúa parella de fendas que serven para orientalas nunha dirección determinada. O ángulo que forman as direccións en que están orientadas ambas as dúas partes vén dado por unha escala graduada situada na xunta entre esas partes.