Pavlova, Anna Matfejevna

Bailarina rusa. Discípula dos irmáns Legat e de E. Cecchetti, ingresou na Escola Imperial Rusa en 1891. Partidaria das reformas emprendidas por Michel Fokine, pretendía unha interpretación máis natural da música nos seus bailes, en que introduciu elementos de danzas de países como Polonia, India ou Xapón. Obtivo un enorme éxito coa obra A morte do cisne (1905), de M. Fokine. Ata 1909 actuou na compañía de S. Diaghilev, quen a introduciu, xunto con Nižinskij, no mundo artístico parisiense. En 1910 formou unha compañía propia, con que percorreu EE UU (1913 e 1924) e Hispanoamérica.

Cronología