peirao

Obra construída á beira do mar, dun lago ou dun río navegable, que serve para facilitar o embarque e desembarque de persoas e mercadorías e, ás veces, de refuxio das naves. Consiste nunha plataforma alongada, disposta ao longo da ribeira ou avanzando artificialmente cara a auga, e que limita os fondeadoiros, e nos que se poden situar almacéns, estacións marítimas, guindastres ou vías de tren.

Plataforma de embarque ou desembarque de pasaxeiros ou mercadorías nunha estación de tren ou de metro.

Tubo telescópico de grandes dimensións que, a xeito de túnel, permite que os pasaxeiros dun aeroporto accedan desde a sala de embarque ao interior do avión e viceversa, sen saír ao exterior. O tubo vai montado sobre un sistema de rodas automotrices e un conxunto de dispositivos hidráulicos que permiten levar o extremo do mesmo ata a porta de acceso do avión.