Pérez Touriño, Emilio

(A Coruña 8.8.1948) Político. Doutor en Ciencias Económicas e profesor titular da Universidade de Santiago de Compostela. Foi Vicerreitor da Universidade de Santiago de Compostela, subsecretario do Ministerio de Transportes, Turismo e Comunicacións (1985-1990), e secretario xeral de Infraestruturas no Ministerio de Obras Públicas, Transporte e Medio Ambiente (1990-1994). Deputado no Parlamento galego desde 1997 e secretario xeral do PSdeG-PSOE, desde 1998 é membro da executiva federal do PSOE. Participou no Pacto do Hostal e no proceso do Estatuto de Autonomía de Galicia. Escribiu Agricultura y capitalismo: análisis de la pequeña produción campesina (1983), Economía campesiña e capital: A evolución da agricultura galega: 1960-1980 (1983), A Galicia emprendedora (2000) e En clave de país (2001), ademais de numerosos estudos sobre temas de desenvolvemento rexional e economía agraria no marco da UE.