perna

1. s f [ANAT]

   Parte de cada unha das dúas extremidades locomotoras do home comprendida entre o pé e o xeonllo. O esqueleto está constituído pola tibia e o peroné, unidos por ligamento interóseo e articulados co fémur no xeonllo, e co astrágalo no nocello.

2. s f

   Extremidade locomotora inferior do home. Na tradición oral recóllense ditos como. “Cando non hai cabeza, hai que ter pernas. Ninguén estenda a perna máis do que a saba dea”.

3. s f

   Extremidades posteriores dos cuadrúpedes e as patas das aves.

   Confrontacións: coxa, zanco.
4. s f

   Parte dunha peza de vestir que cobre a perna ou parte dela.

   Ex: Tes unha perna do pantalón máis longa ca a outra.

5. s f

   Cada unha das dúas pezas longas que forman un compás.

   Ex: Para facer un círculo máis grande tes que abrir máis as pernas do compás.

6. s f

   Peza que serve de soporte a diferentes obxectos.

7. s f

   Cada unha das dúas pezas de rede unidas ao copo propias da arte de bou.

8. barriga/mazá/papo da perna

   barriga da perna.

Frases feitas

• A perna solta. Sen preocupacións.

• Andar en pernas. Andar coas pernas ao aire, sen nada que as cubra.

• Estarricar a perna. Morrer.

• Estirar as pernas. Camiñar ou pasear despois de estar sentado moito tempo.

• Ter boas pernas. Expresión que indica que pode camiñar sen dificultade.

Refráns

• A perna crebada, na cama ou na casa.
• A perna no leito e o brazo no peito.