Pietro d’Abano

Médico e filósofo italiano. Residiu moitos anos en París, onde escribiu Liber compilationis Physionomiae (1295?). De volta a Padua, ensinou medicina e filosofía natural na universidade. A súa obra máis notable foi Conciliator differentiarum philosophorum et precipue medicorum (1303), un intento de conciliación das opinións contraditorias dos médicos e filósofos anteriores, desde os gregos. Autor tamén de Lucidator dubitabilium astronomiae e dun Tractatus de venenis (1316), tivo fama de nigromántico.

Cronología