pirosómido -da

Relativo ou pertencente aos pirosómidos.

Urocordado da orde dos pirosómidos.

Orde de urocordados da clase dos taliáceos, que inclúe especies que forman colonias flotantes, de forma oval ou cilíndrica e constituídas exclusivamente por blastozooides. Cada un destes individuos é elipsoidal, comprimido lateralmente, e cos dous extremos ocupados por dous sifóns: o bucal, orientado cara ao exterior, e o cloacal, cara á cavidade central da colonia. Case todo o seu corpo está ocupado por unha farinxe branquial constituída por orificios. Xeralmente presentan órganos luminosos formados por células testáceas cheas de bacterias simbióticas. Os individuos son de talle milimétrico, pero a colonia pode chegar a medir máis dun metro.