Piteas

Navegante e escritor grego. É autor da descrición dunha viaxe marítima efectuada máis alá das columnas de Heracles, cara a Europa setentrional. Malia que as noticias sobre a súa obra, provenientes de Estrabón, Diodoro e Plinio, son escasas e contraditorias, crese que este periplo si se realizou, probablemente cun dobre obxectivo, comercial e científico. As súas descricións dos fenómenos das mareas e da latitude puideron confirmarse grazas aos coñecementos recentes.

Cronología