Poirot, Hercules

Personaxe literario creado pola escritora británica Agatha Christie. Protagonista dun grupo de 32 novelas, das que a primeira foi The Mysterious Affair at Styles (1920), trátase dun detective belga instalado en Inglaterra. Cun método dedutivo semellante ao empregado por Sherlock Holmes, Poirot reúne a todos os personaxes participantes ao final da novela para, a través dun monólogo, esclarecer os feitos.