polémica

Debate ou discusión intensa sobre calquera tema, principalmente por escrito.

Controversia escrita que manifesta entre defensores a disparidade entre doutrinas teolóxicas opostas ou, sobre todo, entre membros de confesións ou relixións diversas. A polémica anticristiá do Islam, por exemplo, fundamentouse sobre todo en acusar aos cristiáns de deformar a Revelación, pois o contido definitivo desta estaría reflectido no Alcorán. A polémica antimusulmá fundamentouse no corpus de obras islámicas recollido en Cluny e na tradución do Alcorán de Robert de Ketton.