póliza

Documento en que se formalizan, por imposición legal ou por costume, determinados contratos mercantís, sobre todo o de seguros. Xeralmente, admítese a póliza como documento de eficacia probatoria, aínda que non serve como validez do negocio.

Documento que acredita, de acordo coas Ordenanzas da Armada, a elección do capitán que, co nome de almirante, tomaba o mando da expedición no caso de navegar en conserva ou no caso de ter que se coligar con vistas á defensa mutua. No primeiro caso era librada polo armador da rota; no segundo, era asinada por todos os capitáns en favor do elixido e por este en favor dos outros buques.

Documento en que se outorga un contrato de frete.