poro

(< lat poru < grπόρος ‘vía, pasaxe’)

s m
1. [ANAT]
  Pequeno orificio case imperceptible, especialmente nunha membrana animal ou vexetal.
2. Extremo exterior dun conduto estreito.
s m [FÍS]
Intersticio entre as partículas ou moléculas que constitúen un corpo. A presenza de poros nun sólido fai que poida ser atravesado por un líquido, de acordo co fenómeno da capilaridade.
s m [ZOOL]
Orificio que nos poríferos permite a entrada de auga na parede do corpo (poro inhalante) ou na cavidade central ou gastrovascular (poro exhalante).
[BOT]
1. s m
  Orificio dunha parede celular ou dun órgano vexetal.
2. s m
  Abertura xerminativa arredondada dun gran de pole, a través da que sae o tubo polínico, grazas á finura que ten a exina. OBS: Tamén se denomina poro xerminativo.
3. poro areolado
  Perforación das traqueidas, con resalte que comunica as células adxacentes.
s m [XEOL]
Pequena greta ou espazo oco que hai entre as partículas do solo.
s m [ZOOL]
Orificio por onde saen diversos produtos de excreción, como a suor ou o sebo, (poros excretores), produtos sexuais (poros xenitais), excrementos (poros anais) ou secrecións (poros secretores). Tamén teñen función respiratoria, como os estigmas dos artrópodos terrestres, ou producen hormonas, como o da glándula verde dos crustáceos, ou teñen feromonas, como no caso dos lepidópteros.

Palabras veciñas