Portodemouros, encoro de
Portodemouros, encoro de
Pantano construído por FENOSA en 1967. Trátase da construción dunha presa sobre o río Ulla para a explotación hidroeléctrica, que forma parte do límite municipal entre os concellos de Santiso, Agolada, Vila de Cruces e Arzúa. É o terceiro de Galicia en canto a capacidade, 297 millóns de m3. O río Arnego desemboca directamente no encoro, á altura da parroquia de Brocos (Agolada).