Potsdam

Cidade do land de Brandenburgo, Alemaña (138.618 h [estim 1993]). Situada a 20 km ao SO de Berlín, sobre a illa Potsdamer Weder, é centro de industrias téxtiles, cinematográficas, mecánicas e gráficas. Obtivo a carta de poboamento no s XIV. Residencia dos electores de Brandenburgo (1640) e residencia real a partir de Federico II de Prusia, converteuse en centro artístico, intelectual e militar. Dos grandiosos complexos arquitectónicos erixidos por Federico II, destaca o Stadtschloss, castelo do s XVII convertido nun conxunto rococó entre 1744 e 1751 por J. W. von Knobelsdorff, e o palacio Sans-Souci (1743-1748), construído polo mesmo arquitecto.