Praga, Primavera de

Movemento de liberalización iniciado en Praga (1967-1968), como contestación á crise económica e política do réxime checoslovaco. Comezou por unha crítica dos escritores ao sistema, ao que se uniron os universitarios e a maioría dos membros do comité central do partido comunista, que votou a separación do cargo de presidente da república do de secretario do partido e outorgou o último a A. Dubček. Máis tarde, o presidente, A. Novotný, tivo que dimitir e foi substituído por L. Svoboda. O proceso rematou coa invasión do país polas tropas do Pacto de Varsovia en agosto de 1968.