premyslida

Relativo ou pertencente á dinastía premyslida.

Membro da dinastía bohemia fundada a principios do s VIII por Premysl, lendario campesiño que foi elixido como esposo para a princesa Libussa. Fundadores do estado bohemio nos comezos do s X, acadaron, baixo Vladislav II, o título de rei, que se converteu en hereditario con Otakar I. A dinastía extinguiuse en 1306 e o seu representante máis ilustre foi Venceslau I de Bohemia.