primate

Relativo ou pertencente aos primates.

Mamífero da orde dos primates.

Orde de mamíferos placentarios pentadáctilos, con polgar opoñible, hemisferios cerebrais ben desenvolvidos e ollos en posición dianteira. O tamaño pode variar desde o dun gorila grande ata o de pequenas tupaias co talle e a forma dun leirón careto. O rabo, cando existe, pode ser curto ou constituír un verdadeiro apéndice prénsil. En xeral o sentido do olfacto non está moi desenvolvido e deu paso a outros que se poden considerar superiores, como a vista, o tacto e o oído. Son animais arborícolas nun grao máis ou menos importante e tenden a formar grupos, ben familiares, ou ben moito máis amplos. Apareceron no Eoceno. Comprende as subordes dos prosimios e dos simios.