Procaccini

Familia de pintores italianos dos ss XVI e XVII. Entre os seus membros destacou Ercole Procaccini o Vello (Boloña 1515-Milán 1595), pintor e gravador. Os seus fillos foron Camillo Procaccini (Boloña 1551?-Milán 1629), pintor e gravador, Carlo Antonio Procaccini (Boloña 1555?-Milán 1605), pintor, e Giulio Cesare Procaccini (Boloña 1570?-Milán 1625), pintor e escultor, membro destacado da escola lombarda. Ercole Procaccini o Novo (Milán 1596-1676), fillo de Carlo Antonio, tamén foi pintor, igual ca o derradeiro membro da familia, Andrea Procaccini (Roma 1671-San Ildefonso 1734?).