Puga Blanco, Luciano María

Xurista e político. Licenciouse en Dereito Civil e Canónico na Universidade de Santiago de Compostela e doutorouse pola Universidad Central de Madrid en 1867. Foi alcalde de Santiago de Compostela (1870-1871), deputado en Cortes polo distrito de Santiago de Compostela (1871-1871) e polo da Coruña (1884-1886), e gobernador do Banco Español en La Habana (1891). Foi senador pola Real Sociedad Económica Matritense de Amigos del País (1891) e pola provincia cubana de Matanzas (1893). Ao volver de Cuba foi nomeado fiscal do Tribunal Supremo (1895). Defendeu a M. Curros Enríquez, cando foi condenado por Aires da miña terra e publicou Informe oral pronunciado por (...) en defensa de D. Manuel Curros Enríquez (1881).

Cronología