Punxeiro, casa grande de

Construción situada en Punxeiro (Viana do Bolo). Coñecida como a casa dos Escarpizos, ten planta rectangular e dúas alturas, con patios interiores. Os muros son de lousa lucida. Ten unha capela barroca de cantaría no centro da fachada principal, fundada en 1726 por orde de Rodrigo Noboa Pimentel Sarmiento, e un portal con tres arcos que servía de paso da vivenda ao coro da capela. Ten pombal e fonte nas súas proximidades.