púrpura

Materia colorante vermella que antigamente se extraía da cuncha da púrpura. Utilizada xa polos fenicios, coñécese tamén como púrpura de Tiro.

Colorante sintético, considerado o máis antigo de interese comercial. Foi obtido por W. H. Perkin en 1856 a partir dunha mestura de compostos orixinada pola oxidación con dicromado potásico de anilina impurificada por o-toluidina. O seu interese é puramente histórico.

Materia colorante formada por unha mestura de ouro coloidal e óxido de estaño (II) en proporcións variables. Preséntase en forma de pos marróns insolubles en auga e solubles en amoníaco. Obtense por reacción de solucións de cloruros de estaño (II) e (IV), e emprégase na decoración de porcelanas e esmaltes e na manufactura de vidro de cor vermella.

Banda purpúrea que os romanos superpoñían á túnica e que indicaba a pertenza á orde senatorial, latus clavus, ou, en forma máis estreita, á orde ecuestre, angustus clavus.

estido de cor púrpura que era prerrogativa dos emperadores bizantinos e dos cardeais.

Cargo ou dignidade no que o púrpura é o símbolo, especialmente dos cardeais.

Conxunto de manchas hemorráxicas cutáneas que se producen espontaneamente e que se caracterizan por que non se borran pola presión exercida sobre a pel.

Enfermidade que se manifesta por unha erupción espontánea de manchas hemorráxicas na pel cun signo predominante, que se debe a trastornos da fase vascular ou plaquetaria da coagulación.