Pedro Nolasco, san

(? 1180? - Barcelona 1249) Relixioso. Fundador da orde da Mercé, segundo a tradición naceu en Mas Santaspuellas (Languedoc), aínda que outra hipótese di que naceu en Barcelona e era membro dunha familia da Provenza. En 1218, baseándose na aparición da Virxe da Mercé, a confraría da Mercé constituíuse en orde. Durante os trinta anos que dirixiu a orde mercedaria fundou moitos conventos e participou en expedicións de redención de presos. A súa festividade celébrase o 29 de xaneiro.