Pero Goterrez, cavaleiro

Trobador, posiblemente leonés ou portugués. Pode identificarse co nobre leonés Pedro Gutiérrez, meiriño maior de León, aínda que outros estudos relaciónano cun autor portugués presente na corte de Afonso III. Estivo activo na segunda metade do s XIII ou a principios do s XIV e recóllense dúas composicións súas (unha cantiga de amor e un sirventés) no Cancioneiro da Biblioteca Nacional e no Cancioneiro da Biblioteca Vaticana.