Quiroga, casa grande de

Construción situada na Pobra de San Xiao (Láncara). Está composta por diferentes volumes, cun corpo principal, unha torre, de planta cadrada, e dependencias anexas que lle dan o aspecto de fortaleza. Os muros son de cantaría granítica e a cuberta de lousa. Conta cun patio interior en forma de T. Na fachada principal destaca a porta arquitrabada e dous escudos de armas vinculados cos Quiroga.