Recarei, casa de ou casa da Nugalla

Construción situada en Curantes (A Estrada). Trátase dun conxunto de varias edificacións situadas ao redor dun patio central. O edificio principal ten planta rectangular con planta baixa e un andar en que se abre un amplo balcón. No tellado localízase unha figura de pedra dun busto dun home nu coas mans sobre a cabeza, onde se sitúa unha cruz coñecida como A Nugalla de Recarei, e que lle dá nome á casa. Conta con cheminea e cortes, e cunha capela de planta rectangular nun dos ángulos do conxunto.