recoñecemento

(< recoñecer)

s m
Acción de recoñecer ou recoñecerse.
s m
Expresión de gratitude.
s m
1. Acción de tratar de coñecer algo ou a alguén examinándoo coidadosamente.
2. [MED]
  Inspección ou exame, xeral ou local, que se practica especialmente cun obxecto legal determinado.
  Sinónimos: revisión.
[DER]
1. s m
  Confesión que fai unha persoa dunha obriga.
2. s m
  Rexistro ou indagación que fai dalgunha cousa un xuíz ou un perito.
3. recoñecemento de procura
  erificación que ten que efectuar un avogado, e nalgunha ocasión un funcionario público licenciado en Dereito, para comprobar se unha escritura de poderes é xuridicamente suficiente para intervir nun proceso xudicial, nunha poxa, nun concurso para a adxudicación de obras ou servizos públicos, ou nalgunha outra actuación xurídica. Se o avogado considera que o poder abonda, asina ao pé do documento.
s m [HIST/DER]
1. Declaración pública de renuncia a uns dereitos ou posesións en litixio durante a Alta Idade Media. Por este acto, a parte que perdía o pleno facía unha declaración pública de retractación das súas pretensións. Estaba seguida da evacuación.
2. Documento en que se fai a declaración de recoñecemento.
3. Acción de manifestarse obrigado a un señor pola posesión dun territorio, dun castelo ou dun lugar en feudo, durante a Idade Media.
s m [BÉL]
Acción militar menos extensa ca a exploración, pero máis intensa ca esta, feita por unha forza pequena coa finalidade de explorar o territorio.

Palabras veciñas