reflectir

1. v t

   Facer que unha radiación ou unha onda cambie de traxectoria ao bater contra unha superficie lisa.

   Ex: O cristal reflectía os últimos raios de sol.

2. v t

   Emitir unha superficie lisa a imaxe de algo colocado diante dela.

   Ex: Non se recoñeceu na imaxe que reflectía o espello.

   Confrontacións: proxectar.
3. v t

   Expresar un sentimento ou unha opinión de maneira directa ou indirecta.

   Ex: Aquel feito reflectía a opinión da maioría.

4. v pron

   Cambiar de traxectoria unha radiación ou unha onda ao bater contra unha superficie lisa.

   Ex: A luz reflectíase no cristal cegándonos.

5. v pron

   Reproducirse unha imaxe nunha superficie lisa ao ser colocado algo diante dela.

   Ex: As imaxes reflectíanse na auga.

6. v pron

   Manifestarse un sentimento ou unha opinión de maneira directa ou indirecta.

   Ex: A desesperación reflectíase na súa cara.

Formas incorrectas