refrixeración

Acción e efecto de refrixerar.

Produción ou utilización de temperaturas inferiores ás atmosféricas normais, que se obteñen mediante diversos efectos físicos, como a radiación, as variacións de calor latente ou sensible; efectos químicos, efectos termoeléctricos e mesmo efectos magnéticos.

Procedemento para a conservación de alimentos que provoca a inhibición do crecemento microbiano e das reaccións enzimáticas, efectuado a temperatura inferior á de conxelación do produto alimentario, empregado cando se quere conseguir a conservación deses produtos durante períodos de tempo relativamente curtos. A refrixeración emprégase tamén como tecnoloxía auxiliar na preparación de diversas bebidas fermentadas, como a cervexa, o viño e a sidra.