Regional, El

Xornal publicado en Lugo a partir de 1884. Cesou en 1931. Fundado e dirixido por Aureliano X. Pereira de la Riva, definiuse como o primeiro xornal rexionalista galego e continuador de Diario de Lugo. Manuel Amor e Benigno Varela sucedérono como directores e nel publicáronse novelas, lendas e estudos históricos, ademais de numerosas colaboracións literarias en prosa e poesía, e un folletín.