remontar

1. v t

   Subir por un lugar superando obstáculos.

   Ex: A embarcación remontou o río Lérez.

2. v t

   Superar unha dificultade.

   Ex: Remontaron a súa crise matrimonial.

3. v t

   Elevar polo aire a grande altura.

   Ex: O vento remontou o globo e perdeuse.

4. v t

   Poñer novas solas ao calzado.

   Ex: Remontei as botas do inverno para gardalas.

5. v t

   Superar un resultado adverso nunha competición deportiva ou avanzar na clasificación.

   Ex: O Celta remontou un tres a cero.

6. v t

   Poñer remontas a unha chaqueta ou pantalón.

   Ex: Remontei a chaqueta de coiro nos cóbados.

7. v t [BÉL]

   Prover de novos cabalos ou mulos a cabalaría do exército ou dun corpo montado.

8. v pron

   Elevarse a unha altura superior unha ave ou un avión.

   Ex: Cando curei o paxaro remontouse e case non o vía.

9. v pron

   Alcanzar retrospectivamente unha determinada época do pasado. OBS: Emprégase seguido da preposición a.

   Ex: Os feitos remóntanse ao século pasado.

10. v pron

    Pertencer a unha época pasada.

    Ex: O manuscrito atopado remóntase ao século XV.

Frases feitas

• Remontar o voo. Elevarse voando a unha grande altura.