rezar

1. v t

   Dicir de palabra ou mentalmente unha oración.

   Ex: Rezou unha Ave María polos defuntos. OBS: Nalgunhas construcións omítese o complemento e adquire valor absoluto. Ex: Reza antes de deitarse.

   Sinónimos: orar. Confrontacións: rogar.
2. v t [RELIX]

   Dicir o texto dunha oración, oficio divino, misa ou pezas litúrxicas, normalmente sen cantar.

3. v t

   Dicir algo un escrito ou constar nel.

   Ex: Na lápida rezaba: “carpe diem”.

4. v i

   Facer burbullas a augardente.

Refráns

• Cando o demo reza, algunha cousa quere.
• Cando o demo reza, non é de crer.
• Quen moito reza, moito peca.
• Quen moito ten que rezar, moito debeu pecar.