Ris-Ras

Semanario publicado en Ribadavia a partir de 1929. Cesou antes dun ano. Subtitulado “Periódico festivo semanal”, foi dirixido por Braulio Iglesias. Continuador da liña marcada por El Porvenir, saíu todos os xoves editado nos obradoiros de El Noticiero del Avia. De carácter satírico e festivo, quixo funcionar como voceiro da mocidade local, polo que incluíu notas sociais, humor e información especialmente dirixida a ela.