Rodríguez Gordillo, Luis

Pintor. Coñecido como Luis Gordillo, a súa obra estivo influída polo informalismo e pola pop-art (serie Las cabezas, 1963-1966), aínda que foi considerado un dos pioneiros da nova figuración madrileña. Concibiu a pintura como unha prolongación psíquica, entre o automatismo e o control. Aínda que as súas primeiras obras (La pecera, 1970; La familia, 1972; Gran veloz iscariote dúplex, 1973-1974), estaban máis abertas ao humor, tamén realizou series de suicidas (1975-1976) e series edipianas (1975-1976). A súa tendencia ao informalismo acentuouse nos polípticos-mosaicos de 1981-1982 e en cadros de gran formato como Situación meándrica 3 e Vesícula. Recibiu o Premio Nacional de Artes Plásticas (1981) e a Medalla de Oro de las Bellas Artes (1996).

Cronología