Roldán, Pedro

Escultor. Formouse en Granada con Alonso de Mena e en 1646 instalouse en Sevilla, onde abriu un taller propio. De formación naturalista, asimilou as novidades barrocas e creou un estilo persoal. Realizou o retablo da igrexa de Santa Ana en Montilla (1652), o da capela dos Vizcaínos (1666) en Sevilla e o do Hospital de la Caridad, onde tamén fixo o Cristo de la Caridad. Realizou tamén os catro relevos da fachada da catedral de Jaén (1675) e o Cristo de Expiración(1680) da igrexa de Santiago de Écija. A súa filla, Luísa Roldán (Sevilla 1656-Madrid 1704) coñecida como a Roldana, traballou para Carlos II (1695), e destacou nas imaxes de pequeno tamaño.

Cronología