rorella

Planta herbácea perenne, de ata 15 cm de altura, follas en roseta basal, pecioladas e limbo circular, inflorescencias en cimas racemiformes con flores pentámeras de cor branca e froito en cápsula ovalada. As flores ábresen durante un tempo limitado, xeralmente só unhas horas ao comezo da tarde. Florece entre xuño e setembro en brañas e lugares húmidos. É unha planta insectívora que atrapa pequenos insectos e segrega uns enzimas para dixerilos. Emprégase coma planta medicinal. OBS: Tamén recibe este nome a especie Drosera intermedia.