rosa

1. s f

   1. Flor da roseira.

   2. Calquera outra flor.

      Sinónimos: caravel.
2. 1. s f

      Nome de diferentes obxectos que teñen forma de rosa.

   2. rosa de ouro [RELIX]

      Figura de rosa en ouro que o papa bendecía o cuarto domingo de coresma e enviaba como doazón a algún soberano ou a certos santuarios.

   3. rosa do deserto [MINERAL]

      Agregado cristalino de xeso, no que as láminas de crecemento adoptan formas de rosa. É propio das zonas moi áridas.

3. s f

   Mancha arredondada e de cor avermellada que sae na pel.

4. s f

   Diamante tallado plano por baixo e con caras por riba. OBS: Tamén se denomina diamante rosa.

5. adx

   Que é dunha cor que resulta de mesturar o vermello e o branco.

6. s m

   Cor vermella pálida.

7. rosa de Xericó [PLANTA]

   Planta herbácea anual, pilosa, de 10 a 20 cm de alto, follas ovais e dentadas, de flores brancas, pregadas en acios pequenos, e froitos en silícula. É propia do Sahara. Tamén é cultivada en xardíns. Ábrese especialmente en roseta cando se coloca en auga.

8. 1. rosa dos ventos / [CLIMAT/METEOR]

      Diagrama utilizado en meteoroloxía e climatoloxía para resumir as observacións dos ventos, recollidas durante un período de tempo longo. Xeralmente as observacións do vento corresponden a oito direccións principais (N, NL, L, SL, S, SO, O, NO), indicadas por liñas que saen radialmente dun punto central.

   2. rosa dos ventos/náutica [MAR]

      Círculo dividido en trinta e dúas partes iguais, chamadas cuartos, rumbos ou ventos, que indican os catro puntos cardinais e vinte e oito intermedios, é dicir, os trinta e dous rumbos do horizonte, sobre os que se efectúan as indicacións das agullas náuticas.

Frases feitas

• Coma unha rosa. Con moi bo aspecto.